***நட்சத்திரப் போட்டி: புதிரா? புனிதமா?? - தமிழ்ப் பெண்கள்!

சொல்லிடலாமா? வேணாமா?
அடச்சே....ஆண் ஈயம்/பெண் பித்தளை-ன்னு பதிவர்களைப் பதிவர்களே இப்படிப் பயமுறுத்தி வைக்கலாமா? :-)

10/10 பட்டியல்:
பெண்கள்=1 ஆண்கள்=4
அதுனால, இன்னும் கொஞ்சம் நேரம் வெயிட்டீஸ் பண்ணலாமா-ன்னு எனக்கு ரொம்பவே ஆசை தான்! ஆனாலும் this moderation thingie....தாவு தீருது! பேன்ட் கிழியுது!

அதுனால நண்பிகளே, உங்க செல்லக் கேஆரெஸ் கிட்ட கோச்சிக்காம இருக்கணும் சரியா? முடிவுகள் இதோ மகளிர் சக்தியின் பரிபூரண ஆசீர்வாதங்களுடன் அறிவிக்கப்படுகின்றன! கீழே விடைகளை Bold செய்துள்ளேன்! தனியான விளக்கம்ஸ் பின்னூட்டத்தில்! நெறைய விளக்கத்தைக் கெக்கேபிக்குணி அக்காவே கொடுத்துட்டாங்க! என் வேலை மிச்சம்! நன்றிக்கோவ்! :-)


இதோ, சுயம்வர வைர அட்டிகைக்குச் சொந்தக்காரர்:
கெக்கேபிக்குணி = மாதர்குல மாண்பு காத்த மாதரசி
(இனி வரலாற்றில் நீங்கள் மா.மா.கா.மா என்றே வழங்கப்படுவீர்களாக! - 23ஆம் புலிகேசி இஷ்டைலில் படிக்கவும்)

---

இதோ, சுயம்வரப் பூமாலைக்குச் சொந்தக்காரர்கள்:
ஆணழகன் அரைபிளேடு
அறிவழகன் கொத்தனார்
தமிழழகன் தமிழ்ப் பிரியன்
கிரிக்கழன் கிரிக்கெட் ரசிகன்
வென்றவர்க்கும், உடன் நின்றவர்க்கும், எல்லாருக்குமே வாழ்த்துக்கள்!

என்னாது பரிசா?
பெண்களே மனித குலத்துக்கு மாபெரும் பரிசு! மற்றெல்லாம் அதன் முன் சிறுசு! இப்படிச் சொன்னா என்ன கிடைக்கும்? (அப்பாவியாக முகத்தை வைத்துக் கொண்டு கேஆரெஸ் கேட்பதாக Mind Movie ஓட்டிக்குங்க!)
சரி இந்தாங்க! மாபெரும் "மாமாகாமா" பரிசு!

இது வழக்கமாக ஒவ்வொரு போட்டியும் முடிந்தவுடன் தரப்படும் புத்தகப் பரிசு! வாழ்த்துக்கள்!

Mother Teresa - A ...

Hosted by eSnips

---

மக்கள்ஸ்! எல்லாரும் எப்படி இருக்கீங்க? புதிரா புனிதமா இல்லாம ஒரு நட்சத்திர வாரமா? இன்னிக்கி ஸ்பெசல் தலைப்பு! - தமிழ்ப் பெண்கள்!
அதாச்சும் தாரகை வாரத்தில் தாரகையர் பற்றி! என்னா சரியா? :-)

பொதுவா இலக்கியத்தில், சினிமாவில் எல்லாத்திலும் ஒரு வசனம் வரும்! - இந்தப் பொண்ணுங்க மனசை மட்டும் தெரிஞ்சிக்கவே முடியலைப்பா!
ஆறு அது ஆழமில்ல! அது சேரும் கடலும் ஆழமில்ல!
ஆழம் எது ஐயா? - அது பொம்பளை மனசு தான்யா!
இது எந்தப் படத்துல வரும் பாட்டுன்னு யாராச்சும் சொல்லுங்கப்பு!
வலையுலகக் காதல் விஞ்ஞானிகளும் கண்டு புடிக்க முடியாமல் வலைக்குள் சிக்கிக் கவிதைகள், காவியங்கள் படைக்கும் அளவுக்குப்
புதிரானதா என்ன ஒரு பெண்ணின் மனம்?-புதிரா? புனிதமா?? :-)

மங்கையராய்ப் பிறப்பதற்கே நல்ல மாதவம் செய்திட வேண்டுமம்மா
பங்கையக் கைநலம் பார்த்து அல்லவோ, பாரில் அறங்கள் வளருதம்மா!
இப்பிடிப் பாடிட்டுப் போனார் கவிமணி!
சும்மா கற்பனை பண்ணிப் பாத்துக்குங்க! ஒரு தேவதை உங்க முன்னாடி வந்து, "சாரி பிரதர், உனக்கு இன்னொரு பிறவி இருக்கு! ஆனா அதுல ஆணா, பெண்ணா-ன்னு மட்டும் நீ இப்பவே தேர்ந்தெடுத்துக்கலாம்"-அப்பிடின்னு சொல்லுதுன்னு வையுங்க!
பசங்க எதைத் தேர்ந்தெடுப்பாய்ங்க? பெண்கள் எதைத் தேர்ந்தெடுப்பீங்க? சும்மா ஒளிக்காம, மறைக்காமச் சொல்லுங்க பார்ப்போம்! :-)

---

என்னை மிகவும் கவர்ந்த பெண்மணி என்றால் இவர் தான்!
நோபல் பரிசுக்குப் பின் தரப்படும் மொத்த விருந்தையும் கான்செல் செய்து, அதையும் காசாக்கிக் கொண்டு வந்த CEO.

கன்னிப் பருவத்திலே

காப்புப் பருவத்திலே

இவரைப் பற்றிய பள்ளிப்பருவ மனப்பதிவுகள், இவரை ஒரு முறையாச்சும் நேராகப் பார்க்க மாட்டோமா என்ற தாக்கத்தை உருவாக்கியது! அண்ணா பல்கலை ப்ளேஸ்மென்ட்டில் கிடைத்த முதல் வேலை கொல்கத்தாவில். முதல் ஊக்கத்தொகை நாளன்று அன்னையைச் சந்தித்த அந்தச் சம்பவம், இன்றும் நினைத்தாலே இனிக்கும்...

சகோதரிகளை மட்டும் பார்த்துவிட்டு, கையெழுத்து போட்டு்விட்டு வரும் போது, வலப்பக்க அறையொன்றில் அன்னை தட்டுப்பட்டார். கேட்டுத் தான் பார்ப்போமே என்று சும்மா நப்பாசையில் கேட்டு வைக்க, கிட்டே செல்லும் வாய்ப்பும் கிட்டியது!
சிறு பேச்சுக்குப் பின்...என் நெற்றியில் அன்னையின் திருக்கரத்தால் கிடைத்த ஸ்பரிசம்...
நெற்றியில் குங்குமம் துலங்கியதால், அது அழியாத வண்ணம், ஸ்தோத்தரித்துப் போட்ட சிலுவைக்குறி...அந்த ஸ்பரிசம் மட்டும் மறக்கவே மறக்காது!

பார்த்த மாத்திரத்தில், முகத்தில் ஜொலிக்கும் பணிவுக் களை, வெகு சிலரிடம் தான் கண்டுள்ளேன்.
அன்னை தெரேசாவும், எம்.எஸ்.சுப்புலட்சுமி அம்மாவும் அதில் இருவர்!
பணியுமாம் என்றும் பெருமை சிறுமை
அணியுமாம் தன்னை வியந்து!

---

இன்னிக்கி கேள்விகள் எல்லாம் பெண்களைப் பற்றி மட்டுமே!
- 100% ஒதுக்கீடு! பார்க்கலாம் யாரு வெற்றி பெறப் போறாங்க-ன்னு! என்ன ஆர்க்குட் ஆணழகர்களே ரெடியா?

அதுக்காகப் பெண்கள் பற்றிய போட்டியில் பெண்களே கலந்துக்க முடியாது-ன்னு நினைச்சி நைசா எஸ்கேப் ஆயிடாதீங்க! நீங்களும் தான் போட்டியில்! பார்க்கலாம் பெண்களைப் பற்றிப் பெண்களுக்கே எவ்வளவு தூரம் தெரிஞ்சிருக்கு-ன்னு! ஓவர் டு தமிழ்ப் பெண்கள்!
(முடிந்த வரை தமிழ்ப் பெண்களாகத் தொகுத்துள்ளேன். அப்படி இல்லாத போது, அவர்கள் தமிழோடு தொடர்புள்ள பெண்களாக இருப்பர்!) விடைகள், நாளை இரவு (நியூயார்க் நேரப்படி)!

1	"புறங்காட்டினான் மகன் என்பது உண்மையானால் அவனுக்குப் பாலூட்டிய மார்பினை அறுப்பேன்" என்று வீரத்தாய் பாடினதாகப் படிச்சி இருக்கோம். இந்தப் பாட்டை எழுதிய பெண் கவிஞர் யார்?	1 அ) ஒளவையார் ஆ) ஒக்கூர் மாசாத்தியார் இ) காக்கைப்பாடினியார் ஈ) பொன்முடியார்
2	பக்தி இலக்க்கியப் பெண் கவிஞர்கள் என்றால் உடனே நினைவுக்கு வருபவர்கள் இருவர் = ஆண்டாள், காரைக்கால் அம்மையார்! ஆண்டாள் பன்னிரு ஆழ்வார்களில் ஒருத்தி (8%) நாயன்மார்கள் அறுபத்து மூவருள், மூன்று பேர் பெண்கள் (4%). அதில் ஒருவர் காரைக்கால் அம்மையார். மற்ற இருவர் யார்?	1 அ) இசைஞானியார்/ மங்கையர்க்கரசியார் ஆ) மங்கையர்க்கரசியார்/ தண்டியடிகள் இ) தண்டியடிகள்/ கவுந்தியடிகள் ஈ) திலகவதியார்/ வாயிலார்
3	இந்தப் புதுக்கோட்டைப் பெண்மணி தான் இந்தியாவின் முதல் பெண் டாக்டர்! தேவதாசி முறையை ஒழிக்கப் பாடுப்பட்ட இவர், தம் இறுதி நாட்களில் கேன்சர் ஆராய்ச்சிக்கும் பெரிதும் பாடுபட்டார்! - இவர் பெயர் என்ன?	3 அ) டாக்டர். வி. சாந்தா ஆ) டாக்டர். பத்மா சுப்ரமணியம் இ) டாக்டர். கமலா செல்வராஜ் ஈ) டாக்டர். முத்துலட்சுமி ரெட்டி
4	பாரதியார் தன் குருநாதராக இந்தப் பெண்மணியை ஏற்றுக் கொண்டார்! இவர் பெயர் என்ன?	4 அ) அன்னி பெசன்ட் ஆ) சாரதா மணி தேவி இ) சரோஜினி நாயுடு ஈ) நிவேதிதா தேவி
5	அப்துல் கலாமை எதிர்த்துப் போட்டியிட்ட இந்தத் தமிழ்ப் பெண்ணின் பெயர் என்ன? (சாரி, நோ சாய்ஸ் :-)	5 Capt. Lakshmi Seghal
6	பரதநாட்டியம் என்றாலே தேவதாசிகள் ஆடுவது என்ற நிலையை மாற்றி, நாட்டியக் கலைஞர்களுக்குச் சமூக மதிப்பு பெற்றுத் தந்த தமிழ்ப் பெண் இவர்! சிருங்கார ரசம் எனப்படும் காதல் சுவையை நாட்டியத்தில் சென்சார் செய்த போது, சபாக்களை எதிர்த்த பெண்மணி. தமிழிசைக்கு இவர் ஆற்றிய பணிகளைப் பாராட்டி "இசைப் பேரறிஞர்" என்ற விருதைத் தமிழிசைச் சங்கம் இவருக்கு அளித்தது! இந்த "அழகிய" பெண்மணி யார்?	6 அ) ருக்மணி தேவி அருண்டேல் ஆ) எம்.எஸ்.சுப்புலட்சுமி இ) பாலசரஸ்வதி ஈ) கே.பி. சுந்தராம்பாள்
7	இந்தத் தமிழ்ப் பெண் முரடனாய் இருந்த தன் கணவனைப் பக்தனாக மாற்றினாள். பின்னர் ஆழ்வாராகவே உயர்த்தினாள். பேரழகியான இவள், அழகை ஆபத்தான ஆயுதமாக இல்லாமல், ஆன்மீக அயுதமாக மாற்றிக் காட்டினாள். அந்த நன்றிக் கடனாக, இன்றைக்கும் ஆலயங்களில், மனைவியோடு காட்சி தரும் ஆழ்வார் இவர் ஒருவரே - திருமங்கையாழ்வார்! இவர் மனைவியான அந்த புரட்சிப் பெண்மணி யார்?	7 அ) அத்துழாய் ஆ) அமுதவல்லி இ) தடாதகை ஈ) குமுதவல்லி
8	இன்று அனைத்துச் சாதி அர்ச்சகர்கள் பயிற்சி பெற்று கருவறை நுழையலாம் என்ற அளவுக்குத் தான் வந்திருக்கு! ஆனால் பல நூற்றாண்டுக்கு முன்னரே இது வழக்கில் இருந்தது தான்! இன்னும் ஒரு படி மேலே போய், பெண்களும் கருவறைக்குள் சென்று பூசை செய்த நிகழ்வுகள் நம் சைவ சமயத்தில் உண்டு! இவள் பூசைக்குச் செல்கிறாள். கருவறை லிங்கத்தின் மேல் மாலை சார்த்த எக்கிய போது சேலை நழுவுகிறது. முழங்கைகளால் சேலையைத் தாங்கிக் கொண்டு, மாலை போட முடியாமல் கசிந்துருக, லிங்கம் தன் தலையை அவள் உயரத்துக்குச் சாய்த்து மாலையை ஏற்றுக் கொள்கிறது. இந்தப் பெண் யார்? (கொஞ்சம் கடினமான கேள்வியா இருந்தா, க்ளூ கேளுங்க :-)	8 அ) திலகவதியார் (அப்பரின் தமக்கை) ஆ) மண்டோதரி இ) தாடகை ஈ) புனிதவதி (காரைக்கால் அம்மையார்) உ) பரவை நாச்சியார் ஊ) சங்கிலி நாச்சியார்
9	இரண்டாண்டுகளுக்கு முன் நடந்த ஆசிய விளையாட்டுகளில் ஓட்டப் பந்தயத்தில் வெள்ளிப் பதக்கத்தை வென்ற பெண் இவர். ஆனால் இவர் பெண்ணல்ல என்ற ஒரு விவகாரம் கிளம்பி, விசாரணைக்குப் பின், பாலியல் மருத்துவச் சோதனையில் தவறியதாகச் சொல்லி, பதக்கத்தைப் பறித்துக் கொண்டார்கள். :-( இவர் முழுப்பெயர் என்ன? (நோ சாய்ஸ்!)	9 செல்வி. சாந்தி செளந்திரராஜன் Better Luck next time, Shanthi! We wish you all the best! Just dont give up your logical fight!
10	இந்தச் சென்னைப் பெண்மணி, அமெரிக்காவைக் கை நடுவிரலுக்கு ஒப்பிட்டுப் பேசப் போய், உலகெங்கும் உள்ள வலைப்பதிவர்கள் இவருக்கு கண்டனம் தெரிவித்துக் களேபரம் செய்தார்கள். பதிவுலகில் அப்பவே ஒரே அடிதடி தான் போல!:-) கடைசியில் இந்தத் தமிழ்ப் பெண்மணி மன்னிப்பு கேட்ட பின் எல்லாச் சர்ச்சைகளும் அடங்கியது! இவர் யாரு-ன்னு தெரியுதுங்களா?	10 அ) பத்திரிகையாளர், வாசந்தி ஆ) இந்திரா நூயி இ) திலகவதி IPS ஈ) கனிமொழி

இது காப்பி பேஸ்ட் செய்யும் கண்மணிகளின் வசதிக்காக. விடைகளைக் கீழேயிருந்து காப்பி பேஸ்ட் செய்ய எளிதாக இருக்கும்! கலக்குங்க!

1 அ) ஒளவையார் ஆ) ஒக்கூர் மாசாத்தியார் இ) காக்கைப்பாடினியார் ஈ) பொன்முடியார்

2. அ) இசைஞானியார்/ மங்கையர்க்கரசியார் ஆ) மங்கையர்க்கரசியார்/ தண்டியடிகள் இ) தண்டியடிகள்/ கவுந்தியடிகள் ஈ) திலகவதியார்/ வாயிலார்

3 அ) டாக்டர். வி. சாந்தா ஆ) டாக்டர். பத்மா சுப்ரமணியம் இ) டாக்டர். கமலா செல்வராஜ் ஈ) டாக்டர். முத்துலட்சுமி ரெட்டி

4 அ) அன்னி பெசன்ட் ஆ) சாரதா மணி தேவி இ) சரோஜினி நாயுடு ஈ) நிவேதிதா தேவி

5

6 அ) ருக்மணி தேவி அருண்டேல் ஆ) எம்.எஸ்.சுப்புலட்சுமி இ) பாலசரஸ்வதி ஈ) கே.பி. சுந்தராம்பாள்

7 அ) அத்துழாய் ஆ) அமுதவல்லி இ) தடாதகை ஈ) குமுதவல்லி

8 அ) திலகவதியார் (அப்பரின் தமக்கை) ஆ) மண்டோதரி இ) தாடகை ஈ) புனிதவதி (காரைக்கால் அம்மையார்) உ) பரவை நாச்சியார் ஊ) சங்கிலி நாச்சியார்

9

10 அ) பத்திரிகையாளர், வாசந்தி ஆ) இந்திரா நூயி இ) திலகவதி IPS ஈ) கனிமொழி