வை.ஏகாதசி: புதிரா? புனிதமா?? - தெய்வத் தமிழ் மொழி!

மக்கள்ஸ், எல்லாரும் எப்படி இருக்கீக? புதிரா புனிதமா குவிஜ் ஆடி கொஞ்சம் நாள் ஆயிருச்சா? பரவாயில்ல! வைகுண்ட ஏகாதசி அன்னிக்கி கண் முழிச்சி, ஏதாச்சும் ஆடணும்-ல? எத்தனை நாள் தான் பாம்பு-ஏணி விளையாட்டு வெளையாடிக்கிட்டு இருப்பீக? இந்த ஏகாதசிக்குப் "புதிரா? புனிதமா?" ஆடலாம் வாங்க! :)

அப்படியே தொடர் திருப்பாவைப் பதிவில் இருந்தும், ஜாலியா ஒரு விளையாட்டுக்கு ப்ரேக் அடிச்சா மாதிரியும் இருக்கும்! :)
இன்னிக்கி சிறப்புத் தலைப்பு! - தெய்வத் தமிழ் மொழி!

அது என்னாங்க தெய்வத் தமிழ்? எல்லா மொழியிலும் தான் தெய்வங்கள் இருக்கு!
இல்லீன்னா இந்த மொழி மட்டும் தான் தெய்வங்களின் பாஷை-ன்னு சில பேரு சொல்வாங்களே! அது போலச் சொல்ல வாரீங்களா? :)

---

ஹிஹி! அப்படியில்லை! செம்மொழி-ன்னு சொன்னா, மற்ற மொழிகளில் செம்மை இல்லை-ன்னா பொருள்? அப்படியில்லை!

குறிஞ்சிப்பூ

முல்லைப்பூ

* பன்னெடுங்காலமா, பல பண்பாட்டுகளுக்கும் முன்னால் இருந்தே, ஒரு வளமான சிந்தனை, சொல், செயல், சமூகம்-ன்னு பார்த்த ஒரு மொழி = செம்மொழி!
* அதே போல பன்னெடுங்காலமா, பல பண்பாட்டுகளுக்கும் முன்னால் இருந்தே, ஒரு வளமான சிந்தனை, சொல், செயல்-ன்னு "இறையியல்" கண்ட தமிழ் = தெய்வத் தமிழ்!

இன்னிக்கி நாம ஆன்மீகம்-ன்னா, பல புத்தகம் எடுத்துப் படிக்கிறோம், பதிவுகளில் விவாதிக்கறோம், இன்னும் என்னென்னமோ பண்ணறோம்!
* ஆனால் இயேசு கிறிஸ்துவுக்கும் முன்னால்,
* ஒரு ஒட்டு மொத்த சமுதாயமே,
* இறை இயல், ஆன்மீகம்-ன்னு வளப்பமான கருத்துக்களையும், செயல்களையும் கொண்டு இருந்தது என்றால்?
அது சும்மாவா? எவ்ளோ பெரிய விஷயம்? அதான் தெய்வத் தமிழ்!

சில பேரு கதை மாதிரியும் தெய்வத் தமிழைச் சொல்வார்கள்! தெய்வமே அகத்தியருக்கு கொடுத்த மொழி-ன்னும் சொல்வார்கள்! அதுனாலயும் அது தெய்வத் தமிழ்! :)

* எல்லாம் கடந்த இறைவனை மொழிக் குறுகலுக்குள் அடக்குவது நம் நோக்கம் இல்லை!
* நம் நோக்கம்: நம் மொழியில், நம் இறையியல் வளர்ந்த பரிமாணத்தை அறிந்து கொள்வது மட்டுமே!

---

இன்றைய இரவு,
தமிழ்க் கடவுள் மாயோனின் ஆலயத்தில், தமிழ் இரவு!
தமிழ்ப் பெரு விழா! திருவரங்கத்தில் இராப் பத்து திருநாள்!

மார்கழி முழுதும் வடமொழிக்கும் தடை! சுப்ரபாதத்துக்கும் தடை!
அப்படீன்னா மற்ற மாதங்களில் தமிழ் இல்லையா? மார்கழி-க்கு மட்டும் தான் தமிழா?-ன்னு அவசரப்பட வேண்டாம்!:)

மற்ற மாதங்களில் இரண்டுமே உண்டு! மற்ற மாதங்களில்,
* தமிழ்ப் பாசுரம் ஓதும் குழு முன்னே செல்ல,
* இறைவன் தமிழின் பின்னே செல்ல,
* வடமொழிக் கோஷ்டி இறைவனின் பின்னே செல்கிறது!

ஆனால் மார்கழியில்,
* தமிழ் வேதம் மட்டுமே கேட்பான் அரங்கன்!
* கோதைத் தமிழ் மட்டுமே கேட்பான் வேங்கடவன்!
* ராப்பத்தில் மாறனின் திருவாய் மொழியைத் தவிர ஒரு வாய் மொழியையும் கேட்க மாட்டான்!
இதற்கு அவனே ஓலை எழுதி அனுப்புகிறான் ஒவ்வொரு ஆண்டும்!

"யாமே, நாச்சியார்களோடு, பொன்னாசனத்தில் கொலுவிருந்து,
பகல்பத்து-ராப்பத்து நாட்களில், எல்லாத் தமிழ் வேதங்களையும்
செவிகுளிரக் கேட்கச் சித்தம்! அது போழ்தினிலே,
எவ்வொருவரும், யாது மந்திரங்களையும், தனியே சாற்ற வேண்டாம்! கோதைத் தமிழ் மட்டுமே இதற்கு விலக்கு!"
- (முத்திரையுடன்) நம்பெருமாள் ஆணைப்படி!

அவன் மட்டும் தான் தமிழோடு விளையாடுவானா? நாம கூடத் தமிழோடு விளையாடவே வந்தோம்! விளையாடலாமா? :)
இன்னிக்கி ராத்திரி நல்லா முழிச்சிக்கிட்டே ஆடுங்க! :))
விடைகள், வெள்ளி இரவு (நியூயார்க் நேரப்படி)!

---

Crossword-க்கு சொன்ன அதே ஸ்டோரி தான்! :)
*இங்கே போயி இந்த விளையாட்டை விளையாடுங்க மக்கா!*

புதிரை இங்கேயே இட்டிருப்பேன்! ஆனால் வரும் அத்தனை விடைகளையும் பின்னூட்ட மட்டுறுத்தல் செய்யணும்! இது மற்ற திருப்பாவைப் பதிவுகளுக்கு இடைஞ்சலா இருக்கும்!
அதனால் "இனியது கேட்கின்" என்னும் என்னுடைய இன்னொரு வலைப்பூவில் இடுகிறேன்! அங்கிட்டு போயி ஜாலியா ஆட்டம் போடுங்க! :)