புதிரா? புனிதமா?? - அம்மன் பாட்டு 100!

விடைகள் போட்டாச்சே! (Dec-12, 11:40 pm)

கெபி அக்காவின் வேண்டுகோளைச் சிரம் மேல் கொண்டு, ஒரு நாள் நீட்டிப்புக்குப் பின், இதோ விடைகள்! கீழே போல்ட் செய்யப்பட்டுள்ளன!

வென்றவர்க்கும், உடன் நின்றவர்க்கும்.....அம்மன் பாட்டு குழுப்பதிவின் சார்பாக வாழ்த்துக்களைச் சொல்லிக் கொள்கிறேன்! விடைகளுக்கான விளக்கங்கள், அம்மன் அன்பர்கள் ஆரேனும் வந்து தர வேணுமாய் கேட்டுக்கறேன்!

வின்னர்களா?
1. கெக்கேபிக்குணி = 7/10
2. குமரன், மணிபாண்டி = 6/10
வாழ்த்துக்கள் வின்னர்களே! அம்மன் பாட்டு மன்னர்களே! :)

---

மக்கள்ஸ்! இன்று அம்மன் பாட்டு வலைப்பூவின் 100வது பதிவை முன்னிட்டு ஒரு "சிறப்புப்" புதிரா? புனிதமா?? அம்மன் கேள்விகள் + கோலிவுட் கேள்விகள்! கேஆர் விஜயா, ரம்யா கிருஷ்ணன், இன்னும் யாரெல்லாம் அம்மன் வேசம் கட்டுனாங்க? யோஜிங்க மக்கா யோஜிங்க!

அப்படியே அம்மன் பாட்டு-100 பதிவுக்குப் போய் ஒரு எட்டு எட்டிப் பாருங்க!
ஜனனி ஜனனி இஷ்டைலில் இளையராஜா போல ஒரு இளையராஜியும் SKவும் பாடுறாங்க!
பாட்டைக் கேட்டுக்கிட்டே குவிஜ் ஆடுங்க மக்கா! புதிரா புனிதமா ஆடுவமா? விடைகள், நாளை இரவு (நியூயார்க் நேரப்படி)!

இனிய கார்த்திகை தீப வாழ்த்துக்கள்!
Happy Birthday ராபின்ஹூட் ஆழ்வார்!!

---

1	பண்டைத் தமிழ் இலக்கியங்களில், அம்மன், கொற்றவை என்று பேசப்படுகிறாள்! கொற்றம்=வெற்றி; எனினும் கொற்றவை என்ற சொல்லாட்சி சங்க இலக்கியத்தில் சேயோன்/மாயோன் போல அவ்வளவு அதிகம் இல்லை! தொல்காப்பியரும் நிலம்/திணைகளில் அவளை வைக்காது, உட்பிரிவான துறை ஒன்றில் மட்டும் கொற்றவை நிலை என்று வைக்கிறார்! ஆனால் சிலப்பதிகார கால கட்டத்தில் தான் கொற்றவை வழிபாடு பற்றி அதிக தகவல்கள் கிடைக்கின்றன. சிலம்பில், கொற்றவை பூசை பற்றிய பாடல் எது?	1 அ) கொற்றவை வரி ஆ) குரவை வரி இ) வேட்டுவ வரி ஈ) கானல் வரி
2	தட்சன் செய்த யாகத்தில், அவமதிப்புக்கு உள்ளான அன்னை தாட்சாயிணி உயிரை நீத்தாள். பின்னர் இமவான் மகளான பார்வதியாய்ப் பிறந்து ஈசனைச் சேர்ந்தாள். கோபம் கொண்ட ஈசன் தன் தலை மயிரைப் பிளந்து இருவரை உண்டாக்க, அவர்கள் தட்ச யாகத்தை அழித்தார்கள்! அவர்கள் யார்?	2 அ) சண்டிகேஸ்வரன்/ பத்ரகாளி ஆ) வீரபத்ரன்/பத்ரகாளி இ) ருத்ரகாளி/வீரபத்ரன் ஈ) வீரபாகு/வீரபத்ரன்
3	தாய் மூகாம்பிகை படத்தில், இளையராஜா உருகி உருகிப் பாடும் ஜனனி ஜனனி பாடலை எழுதியது யார்? பாடல் எந்தத் தலத்தைக் குறிக்கிறது?	3 அ) வாலி-கொல்லூர் ஆ) இளையராஜா-சிருங்கேரி இ) வாலி-சிருங்கேரி ஈ) இளையராஜா-கொல்லூர்
4	கற்பகவல்லி நின் பொற்பதங்கள் பிடித்தேன்! - இந்தப் பாடல் எல்லாருக்கும் தெரியும்! இதை எழுதிய இசை மேதை யார்? யாருக்காகப் பாடிக் காட்டி எழுதினார்?	4 அ) பாபநாசம் சிவன்/தியாகராஜ பாகவதர் ஆ) கண்ண தாசன்/குன்னக்குடி வைத்தியநாதம் இ) யாழ்ப்பாணம் வீரமணி ஐயர்/ பாபநாசம் சிவன் ஈ) பாபநாசம் சிவன்/பெ.தூரன்
5	கேஆர் விஜயா அம்மனா நடிச்ச படம் எது-ன்னு கேட்டா, அடிக்க வருவீங்க! :) அது என்னமோ, அவிங்க மட்டும் அப்போ அம்மன் வேடத்துக்கு ஈசியா செட் ஆயிட்டாங்க! நாகேஷ் பூசாரியாய் நடிக்க, மனைவியைக் கொலை செய்த கணவனின் மனைவியாவே அம்மன் வருவாங்க! நாகேஷும் அந்தப் பொண்ணுக்கே அபிஷேகமும் செஞ்சி வைப்பாரு! என்ன படம்? (நோ சாய்ஸ்! :)	5 நம்ம வீட்டு தெய்வம்
6	51 (52) சக்தி பீடங்கள்! தட்ச யாக அழிவுக்குப் பின், அன்னையின் உயிரற்ற உடலின் துண்டுகள் விழுந்த இடங்களாகச் சொல்லப்படுபவை! இந்தியா, பாகிஸ்தான், இலங்கை, நேபாளம், ட்பெட், வங்காளம் என்று வெவ்வேறு இடங்கள்! இதில் தமிழ்நாட்டுச் சக்தி பீடங்கள் எவை?	6 அ) காஞ்சி/மதுரை ஆ) மதுரை/சமயபுரம் இ) படவேடு/திருமயிலை ஈ) கன்னியா குமரி/காஞ்சி
7	மாரியம்மனுக்கு ஆடி மாசம் தான் விசேடம்! ஆனால் வைகாசி மாதத்தில் முதல் நாள் அன்று, இந்த ஊர் வைணவர்களும் அந்தணர்களும் ஒன்று சேர்ந்து மாரியம்மனைப் பூசிக்கிறார்கள். பின்னர் இந்த ஊர் அம்மனுக்குத் தங்கள் சார்பாகப் பட்டுச் சீலையும், பொருளும், மலர் மாலைகளும் வரிசையாக அனுப்பி வைக்கிறார்கள்? எந்த ஊர்கள்?	7 அ) நாகை அழகியார்-நாகை நெல்லுக்கடை அம்மன் ஆ) திருவல்லிக்கேணி-திருமயிலை முண்டகக் கண்ணி இ) அழகர்கோயில்-மதுரை ஈ) திருவரங்கம்-சமயபுரம்
8	ஆதி சங்கரர் தம்முடன் வாதம் புரிந்தவரின் மனைவியான இந்தப் பெண்ணின் நினைவாகவே ஒரு அத்வைத பீடம் எழுப்பினார்; அங்கு அன்னையையும் பிரதிட்டை (திருநிலைக்காப்பு) செய்வித்தார். அதுவே சங்கரரின் முதல் மடமாகவும் கருதப்படுகிறது! யார் இந்தப் பெண்?	8 அ) சரசவாணி ஆ) சாரதாம்பாள் இ) மூகாம்பாள் ஈ) கனகதுர்க்கா
9	கொற்றவை ஆறலைக் கள்வர்களான எயினர்களின் காவல் தெய்வமாய்த் தான் முதலில் காட்டப்படுகிறாள். கிட்டத்தட்ட காளியின் உருவம்! அவளுக்குரிய பூக்கள் எவை?	9 அ) உழிஞை/நொச்சி ஆ) வெட்சி/காந்தள் இ) வஞ்சி/காஞ்சி ஈ) குராப்பூ/மராப்பூ
10	கட்டபொம்மனின் காவல் தெய்வமான இவள், நாயக்கர் குல மக்களின் தெய்வமும் ஆவாள்? யார் இவள்? (நோ சாய்ஸ்!)	10 ஜக்கம்மா தேவி

---

இது காப்பி பேஸ்ட் செய்யும் கழகக் கண்மணிகளின் வசதிக்காக. விடைகளைக் கீழேயிருந்து காப்பி பேஸ்ட் செய்ய எளிதாக இருக்கும்! கலக்குங்க!

1 அ) கொற்றவை வரி ஆ) குரவை வரி இ) வேட்டுவ வரி ஈ) கானல் வரி

2 அ) சண்டிகேஸ்வரன்/ பத்ரகாளி ஆ) வீரபத்ரன்/பத்ரகாளி இ) ருத்ரகாளி/வீரபத்ரன் ஈ) வீரபாகு/வீரபத்ரன்

3 அ) வாலி-கொல்லூர் ஆ) இளையராஜா-சிருங்கேரி இ) வாலி-சிருங்கேரி ஈ) இளையராஜா-கொல்லூர்

4 அ) பாபநாசம் சிவன்/தியாகராஜ பாகவதர் ஆ) கண்ண தாசன்/குன்னக்குடி வைத்தியநாதம் இ) யாழ்ப்பாணம் வீரமணி ஐயர்/ பாபநாசம் சிவன் ஈ) பாபநாசம் சிவன்/பெ.தூரன்

5

6 அ) காஞ்சி/மதுரை ஆ) மதுரை/சமயபுரம் இ) படவேடு/திருமயிலை ஈ) கன்னியா குமரி/காஞ்சி

7 அ) நாகை அழகியார்-நாகை நெல்லுக்கடை அம்மன் ஆ) திருவல்லிக்கேணி-திருமயிலை முண்டகக் கண்ணி இ) அழகர்கோயில்-மதுரை ஈ) திருவரங்கம்-சமயபுரம்

8 அ) சரசவாணி ஆ) சாரதாம்பாள் இ) மூகாம்பாள் ஈ) கனகதுர்க்கா

9 அ) உழிஞை/நொச்சி ஆ) வெட்சி/காந்தள் இ) வஞ்சி/காஞ்சி ஈ) குராப்பூ/மராப்பூ

10